ကမ္ဘာ့လောင်စာဆီဈေးနှုန်း မြင့်တက်လာမှုများကြောင့် ရေနံအစားထိုးစွမ်းအင်ရင်းမြစ်များနေရာတွင် အစားထိုးမှုများပြုလုပ်နိုင်ရန် ကြိုးပမ်းနေမှုများမှာ အောင်မြင်မှုအချို့ ရရှိနေပြီဖြစ်သည်။ လေထုညစ်ညမ်းမှုကိုပါ ကာကွယ်နိုင်သော လျှပ်စစ်စွမ်းအင်သုံး မော်တော်ယာဉ်များမှာ ယခုအချိန်တွင် အရေအတွက်အားဖြင့် နည်းပါးနေသေးသော်လည်း နောင်အနာဂါတ်တွင် ရေနံအခြေခံလောင်စာသုံး မော်တော်ယာဉ်များနေရာတွင် အပြည့်အ၀အစားထိုးလာနိုင်ရန် သိပ္ပံပညာရျင်များက မျှော်လင့်နေကြပြီဖြစ်သည်။ ယခုနောက်ဆုံး စမ်းသပ်အောင်မြင်ခဲ့သည့် နည်းပညာသစ်တစ်ရပ်အရ အနာဂါတ်ကာလတွင် ဂျက်လေယာဉ်များ၌ လေယာဉ်ဆီဖြည့်တင်းရန် လိုအပ်ချက်ကို အဆုံးသတ်နိုင်ရန် မျှော်လင့်နေကြပြီဖြစ်သည်။ ဗြိတိန်နိုင်ငံမှ စမ်းသပ်ပျံသန်းခဲ့သည့် နေရောင်ခြည်စွမ်းအင်သုံး လေယာဉ်ပုံစံငယ်သည် ကောင်းကင်ယံတွင် သုံးရက်ခွဲမျှ ပျံသန်းနိုင်ခဲ့သည်ဟု သိရှိရသည်။ ကင်းထောက်လေယာဉ်ငယ်လေးအဖြစ် စမ်းသပ်ခဲ့သော အဆိုပါလေယာဉ်ငယ်မှာ ဝေဟင်တွင် (၈၃)နာရီနီးပါးမျှ ပျံဝဲနေခဲ့သည်ဟု ဆိုသည်။



(ဝေဟင်တွင်ပျံသန်းနေသည့် နေရောင်ခြည်စွမ်းအင်သုံးလေယာဉ်)

Qinetiq ကာကွယ်ရေး စစ်လက်နက်ကုမ္ပဏီမှ စမ်းသပ်ခဲ့သည့်အဆိုပါလေယာဉ်ငယ်ကလေးမှာ နေ့အချိန်တွင် နေရောင်ခြည်မှ စွမ်းအင်ထုတ်လုပ်ကာ ဘက်ထရီများအတွင်း အပိုသိုလှောင်ထားပြီး ညအချိန်တွင် စွမ်းအင် Recharge ပြန်ဖြည့်ပေးကြောင်း ကုမ္ပဏီမှတာဝန်ရှိသူများက ပြောကြားခဲ့သည်။ Auto-Pilot စနစ်သုံးပြီး ပျံသန်းခဲ့သည့် ထိုလေယာဉ်ငယ်ကလေးမှာ အမြင့်ပေ (၆၀၀၀၀)ထိရောက်ရှိခဲ့ပြီး (၈၂)နာရီ (၃၇)မိနစ်မျှကြာအောင် ပျံသန်းနိုင်ခဲ့သည်။ ထို့ကြောင့် (၂၀၀၁)ခုနှစ်အတွင်းက (၃၀)နာရီ (၂၄)မိနစ်မျှကြာအောင် ပျံသန်းခဲ့သည့် Global Hawk ကင်းထောက်လေယာဉ်၏ စံချိန်အားကျော်တက်သွားပြီဟုသိရသည်။ သို့သော် အခြားသတင်းတစ်ရပ်၏အဆိုအရ အဆိုပါလေယာဉ်ငယ်မှာ လောင်စာဆီဖြည့်တင်းမှု အမှန်တကယ်မလိုအပ်ကြောင်း စစ်ဆေးမှုများပြုလုပ်ပြီးမှ ၎င်း၏စံချိန်ကို တရားဝင်အတည်ပြုမည်ဟု သိရသည်။ Zephyr ဟုအမည်ပေးထားသော ထိုနေရောင်ခြည်စွမ်းအင်သုံးလေယာဉ်လေးကြောင့် အနာဂါတ်ကာလ ဂျက်လေယာဉ်များတွင် နေရောင်ခြည်စွမ်းအင်အား လက်ခံအသုံးပြုသွားနိုင်မည့် ပုံစံများရေးဆွဲသွားရန် ပညာရှင်များက စတင်စဉ်းစားလာကြသည်။ အရီဇိုးနားပြည်နယ်ရှိ အမေရိကန်စစ်စခန်းတစ်ခုမှ စမ်းသပ်လွှတ်တင်လိုက်သည့် အဆိုပါဗြိတိန်လုပ် Zephyr လေယာဉ်ကလေးသည် နေရောင်ခြည်စွမ်းအင်သုံး လေယာဉ်များ၏ခေတ်ရောက်ရှိလာရန် ပထမဆုံး ခြေလှမ်းတစ်ရပ်ဖြစ်လာမည်လားဆိုသည်မှာ စိတ်ဝင်စားဖွယ် မေးခွန်းတစ်ရပ်ပင်ဖြစ်သည်။